أدوات ومواقع هتساعدك كطالب جامعي في عمل البحث*
أولاً بالنسبة لتصميم البحث وتنسيقه:
- Canva : www.canva.com
الموقع ده هيساعدك في عمل Design بسيط لـ Cover البحث من خلال آلاف الـ Templates اللي بيوفرها مجاناً، الموقع مش بيتطلب أي خبرة منك كل اللي عليك تختار الـ Design اللي يعجبك وتعدل عليه.
•متوفر كـ Website وكـ App سواء IOS أو Android.
محدش ييجي يقولي إعملي تصميم cover البحث بقا 😂
- Small PDF : www.smallpdf.com
الموقع ده بيقدملك tools هتساعدك في كل ما يتعلق بالـ PDFs حرفيا، تقدر تضغط الـ PDF، تحول ملفات الـ word والـ Excel والـ Power point لـ PDF والعكس، تحول الصور لـ PDF والعكس، تعدل علي الملف وترقمه، تدمج ملفين أو أكتر مع بعض، تعمل Resize لصفحات الـ PDF وإلخ...
موقع رائع أعطيله ٩ ونص من عشرة
- Adobe InDesign
لو البحث بتاعك هتحتاج تحط فيه Figures كتير وعايز تظبط الـ Format بتاعة البحث ويبقي فيه تصميمات مختلفة وهكذا فالحل الأمثل هو Adobe Indesign، في الجزء ده هو بالنسبالي أريح وأحسن بكتير جدا من الـ Word، ممكن بس تحتاج تشوفله Tutorial بسيطة علي اليوتيوب قبل ما تستخدمه.
ثانيا بالنسبة لمحتوي البحث:
- Google Scholar : https://scholar.google.com/
خدمة من جوجل هتساعدك في إنك توصل لمقالات وأبحاث علمية من كتب ومراجع علمية ومواقع موثقة مش أي موقع وخلاص.
- Grammarly : www.grammarly.com
الموقع ده هيفيدنا في أكتر من حاجة،
أولاً إحنا عارفين إن مينفعش أفتح أي موقع وآخد منه Copy & Paste علطول لأن ده هيعتبروه Plagiarism، ف الموقع فيه ميزة حلوة جدا وهي إنه بيقدر يقدملك إقتراحات تغيرلك من بنية الجملة سواء من ناحية الكلمات أو الـ Grammar مع بقاء نفس المعني،
تاني ميزة هو إنه بيكتشف أخطائك في الكلمات والـ Grammar وبيصلحهالك.
- PaperRater : www.paperrater.com
الموقع ده بيقدر يحددلك نسبة الـ Plagiarism في البحث بتاعك أد إيه وهل هو أصلي فعلا ولا أنت ناقله واللي المفروض النسبة دي تكون أقل ما يمكن عشان تبقي ضامن أنه هيتقبل، ف لو فرضا لقيت إن نسبة الـ Plagiarism عالية تقدر ترجع للموقع اللي فات Grammarly وتعدل علي بنية الجمل وترجع تعمل Check عليها تاني هنا هتلاقي النسبة قلت، الميزة التانية شبيهة بـ Grammarly وهو إنه بيعمل تدقيق لغوي علي البحث بتاعة ويكتشف الأخطاء ويصححهالك ويديلك Tips عشان تحسن من كتابتك.
- Mendeley : www.mendeley.com
البرنامج ده تقدر تنزله وتربطه بالـ Word وده هيساعدك في كتابة الـ Citations والـ Bibliography.
بإختصار إنت محتاج تعمل بحث مُنظم ومُنسق من حيث الشكل
و مش منقول بدون فهم وتستخدم مراجع ومصادر موثوقة من حيث المضمون.
———————————————————
الموقع ده بديل لـ Grammarly في جزء التعديل علي الكلام أو الـ Paraphrasing، لأنه طلع بفلوس، كمان الموقع ده موفر ميزتين حلوين جدا
Plagiarism Checker & Grammar Checker
https://www.prepostseo.com/paraphrasing-tool